"Benfika" klubi o‘zining rasmiy saytida markaziy yarim himoyachi Richard Riosni o‘z safiga qo‘shib olgani haqida e’lon berdi. Kolumbiyalik futbolchi "Palmeyras"dan Lissabon "burgutlari" safiga o‘tdi. Rios besh mavsumga - 2030 yil o‘rtalarigacha mo‘ljallangan mehnat shartnomasini imzoladi.

25 yoshli Riosning transfer summasi 27 million yevroni tashkil etdi, bu haqda ham press-relizda aytilgan. Shuningdek, "Benfika" futbolchini tarbiyalagan klublarga birdamlik dasturi bo‘yicha to‘lovlarni o‘z zimmasiga oladi. Bu taxminan 419 ming yevro degani.

Richard Riosning "Benfika" bilan shartnomasida uni 100 million yevroga sotib olish bandi ko‘rsatilgan.