"Бенфика" клуби ўзининг расмий сайтида марказий ярим ҳимоячи Ричард Риосни ўз сафига қўшиб олгани ҳақида эълон берди. Колумбиялик футболчи "Палмейрас"дан Лиссабон "бургутлари" сафига ўтди. Риос беш мавсумга - 2030 йил ўрталаригача мўлжалланган меҳнат шартномасини имзолади.

25 ёшли Риоснинг трансфер суммаси 27 миллион еврони ташкил этди, бу ҳақда ҳам пресс-релизда айтилган. Шунингдек, "Бенфика" футболчини тарбиялаган клубларга бирдамлик дастури бўйича тўловларни ўз зиммасига олади. Бу тахминан 419 минг евро дегани.

Ричард Риоснинг "Бенфика" билан шартномасида уни 100 миллион еврога сотиб олиш банди кўрсатилган.