"Milan"ning sobiq hujumchisi Luka Yovich tez orada Birlashgan Arab Amirliklari chempionatida ishtirok etuvchi "Sharja" klubi futbolchisiga aylanadi.
Bu haqda UAE Sport News xabar bermoqda. Manbaga ko‘ra, transfer bo‘yicha kelishuv yakuniy bosqichda bo‘lib, 27 yoshli serbiyalik yaqin kunlarda yangi jamoasi bilan shartnoma imzolaydi. Uning Amirliklardagi maoshi yiliga yetti million yevro atrofida bo‘ladi.
Yovich iyun oyi oxirida shartnomasi tugaganidan keyin "Milan"ni tark etdi. Italiya klubi safida u bir mavsum o‘tkazdi va 47 ta o‘yinda maydonga tushib, 13 ta gol urdi va ikkita golli uzatmani amalga oshirdi.
