Mavsumning ikkinchi qismiga Belarusda tayyorgarlik ko‘rayotgan «Dinamo» jamoasi bugun ikkinchi o‘rtoqlik bahsida maydonga tushdi.

Belarus Oliy ligasi vakili «Molodechno»ga qarshi o‘tgan uchrashuvda Vadim Abramov shogirdlari raqibdan ustunlik qilishdi va 1-bo‘limning o‘zidayoq o‘yin taqdirini hal qilishdi. Anvarjon Hojimirzayev hisobni ochgan bo‘lsa, samarqandliklarning yangi hujumchisi Ulug‘bek Hoshimov dublga erishdi – 3:0. "Sherlar" yig‘indagi so‘nggi o‘yinni 25 iyul kuni «Vitebsk»ga qarshi o‘ynaydi.

O‘rtoqlik o‘yini. 23 iyul. Minsk
«Molodechno» - «Dinamo» - 0:3
Gollar: Anvarjon Hojimirzayev 15, Ulug‘bek Hoshimov 25, 35.
«Dinamo»: Ravshanbek Yagudin, Ulug‘bek Abdullayev, Jaloliddin Jumaboyev, Oleksandr Kucherenko, Sanjar Qodirqulov, Ratinyo, Dmitriy Pletnyov, Jahongir Abdusalomov, Richard Fraydey, Anvarjon Hojimirzayev, Ulug‘bek Hoshimov.
Zaxira: S.Karimov, A.Abdurasulov, M.Stanoyevich, F.Abdurahmonov, B.Nasimov, B.Obloqulov, M.Mirahmadov, A.Hoshimov, X.Xalilov.