"Inter" yarim himoyachisi Hoqon Chalxano‘g‘li transfer mish-mishlariga nuqta qo‘yib, "neradzurrilar" safida sovrinlar uchun kurashni davom ettirishga tayyorligi va Milan klubiga sodiqligini ma’lum qildi.

"Har yili yozda mish-mishlar tarqaladi. Bu safar ular odatdagidan ko‘proq edi, lekin men qaytganimdan so‘ng hamma narsani aytish uchun ataylab sukut saqladim. "Inter"da baxtliman va qolishni istayotganimni yashirmadim. Ko‘ramiz, qanday bo‘larkin, lekin mening maqsadim - aynan shu yerda sovrinlarni yutishda davom etish," - deya turkiyalik futbolchining so‘zlarini keltiradi Daniele Mari ijtimoiy tarmoqlarda.

Eslatib o‘tamiz, avvalroq OAVda Hoqonga "Galatasaroy" va "Fenerbahche" klublari qiziqish bildirayotgani haqida xabarlar tarqalgan edi.