"Интер" ярим ҳимоячиси Ҳоқон Чалханўғли трансфер миш-мишларига нуқта қўйиб, "нерадзуррилар" сафида совринлар учун курашни давом эттиришга тайёрлиги ва Милан клубига содиқлигини маълум қилди.

"Ҳар йили ёзда миш-мишлар тарқалади. Бу сафар улар одатдагидан кўпроқ эди, лекин мен қайтганимдан сўнг ҳамма нарсани айтиш учун атайлаб сукут сақладим. "Интер"да бахтлиман ва қолишни истаётганимни яширмадим. Кўрамиз, қандай бўларкин, лекин менинг мақсадим - айнан шу ерда совринларни ютишда давом этиш," - дея туркиялик футболчининг сўзларини келтиради Даниэле Мари ижтимоий тармоқларда.

Эслатиб ўтамиз, аввалроқ ОАВда Ҳоқонга "Галатасарой" ва "Фенербаҳче" клублари қизиқиш билдираётгани ҳақида хабарлар тарқалган эди.