Italiyaning "Milan" klubi belgiyalik yarim himoyachisi Aleksis Salemakers A Seriyaga hamyurti Kevin de Bryuynening ko‘chib o‘tganini olqishlamoqda.
"Menimcha, Italiya futboli uchun bunday futbolchilarga ega bo‘lish juda foydali. To‘g‘risini aytsam, Kevin masalasida u menga raqib bo‘lmasligini istardim. Ammo biz baribir "Napoli"ni mag‘lub etishga harakat qilamiz. Bizni qiziqarli chempionat kutmoqda," - deya Salemakersning so‘zlarini keltiradi pianetamilan.it.
Eslatib o‘tamiz, A Seriyada de Bryuynedan tashqari 2018 yilda "Oltin to‘p" sohibi bo‘lgan xorvatiyalik Luka Modrich ham harakat qiladi.













