Myunxenning "Bavariya" klubi qanot hujumchisi Brayan Saragosa Joze Mourinyoning o‘zi qiziqish bildirayotganiga qaramay, Turkiyaning "Fenerbaxche" klubi taklifini rad etdi.
Bu haqda Kicker nashri xabar bermoqda. Manbaning yozishicha, katta taklifga qaramay, Saragosa Istanbulga ko‘chib o‘tishdan bosh tortishga qaror qildi.
"Bavariya" rahbariyati futbolchini shu transferlar davridayoq to‘liq sotish va ijaraga berish masalasini ko‘rib chiqib, u bilan xayrlashmoqchi. Shu bilan birga, boshqa klublarning aksariyati aynan ijara variantiga moyillik bildirmoqda.
O‘tgan mavsumda Brayan Saragosa myunxenliklar safida 28 ta o‘yinda maydonga tushib, 1 ta gol urdi va 6 ta golli uzatmani amalga oshirdi. Uning klub bilan shartnomasi 2029 yilning yozigacha mo‘ljallangan. Transfermarkt ma’lumotlariga ko‘ra, futbolchining bozor narxi 12 mln yevroni tashkil qiladi.
