"Sporting" "Almeriya" bilan hujumchi Luis Suares transferi bo‘yicha kelishib oldi, deb xabar berdi X ijtimoiy tarmog‘ida insayder Fabrisio Romano.
Manbaga ko‘ra, lissabonliklar 27 yoshli kolumbiyalik futbolchi uchun 25 million yevro to‘laydi. Shuningdek, "Almeriya" futbolchining kelajakdagi sotuvi summasining 10 foizini oladi.
Transfermarkt portali futbolchining narxini 8 million yevroga baholamoqda.
2024/25 yilgi mavsumda Suares barcha musobaqalarda 43 ta o‘yinda 31 ta gol urdi va 8 ta golli uzatmani amalga oshirdi.
