"Kataniya" klubi rasmiy saytida yarim himoyachi Stefano Sturaro futbolchilik faoliyatini yakunlaganini e’lon qildi. Endi 32 yoshli italiyalik futbolchi klubning yoshlar jamoalaridan biriga ustozlik qiladi.
Sturaro faoliyati davomida professional darajada 306 ta o‘yinda maydonga tushib, 10 ta gol urgan va 16 ta golli uzatmani amalga oshirgan. U "Jenoa", "Modena", "Yuventus", "Sporting", "Verona", "Karagyumryuk" va "Kataniya" klublarida o‘ynagan.
Shuningdek, Sturaro Italiya terma jamoasi safida 4 ta o‘yin o‘tkazgan.













