Viktor Dyokeresh "Arsenal"ga transferni yakunlash uchun Londonga uchib bordi.

Avvalroq, 26 iyul, shanba kuni forvard "kanonirlar" bilan 5 yillik shartnoma imzolashdan oldin tibbiy ko‘rikdan o‘tkazilishi haqida xabar berilgandi.

London klubi futbolchining transferi uchun "Sporting"ga 63,5 million yevro va 10 million bonus to‘laydi.

Insayder Fabrisio Romanoning ma’lum qilishicha, Dyokeresh va uning agenti Hasan Chetinkaya allaqachon Londonga yo‘l olgan.

Avvalroq, Chetinkaya mijoziga o‘zi istagan klub bilan shartnoma imzolashda yordam berish uchun komissiyani rad etgan edi, deya ta’kidlaydi Romano.