Виктор Дьёкереш "Арсенал"га трансферни якунлаш учун Лондонга учиб борди.
Аввалроқ, 26 июль, шанба куни форвард "канонирлар" билан 5 йиллик шартнома имзолашдан олдин тиббий кўрикдан ўтказилиши ҳақида хабар берилганди.
Лондон клуби футболчининг трансфери учун "Спортинг"га 63,5 миллион евро ва 10 миллион бонус тўлайди.
Инсайдер Фабрицио Романонинг маълум қилишича, Дьёкереш ва унинг агенти Ҳасан Четинкая аллақачон Лондонга йўл олган.
Аввалроқ, Четинкая мижозига ўзи истаган клуб билан шартнома имзолашда ёрдам бериш учун комиссияни рад этган эди, дея таъкидлайди Романо.
