Madridning "Atletiko" klubi sardori Koke bo‘lajak mavsumda "Barselona" va "Real" bilan raqobat haqida gapirdi.
O‘tgan mavsumda "matraschilar" kutilganidek La Ligada "ko‘k-anorranglilar"dan 12, "qaymoqranglilar"dan esa 8 ochko ortda qolib, 3-o‘rinni egallagandi.
"Biz "Barselona" va "Real"ga biz bilan kurashishni majburlashimiz kerak - bundan kamiga rozi emasmiz. Biz eng yuqori umidlarga egamiz. Oldinga bir qadam tashlab, ikkita gigant bilan jang qilish kerak. Biz buni 200 foiz kuch sarflasak ham amalga oshiramiz," - deya 33 yoshli yarim himoyachining so‘zlarini keltiradi El Larugero.
