"Chelsi" yarim himoyachisi Kirnan Dyusberi-Xoll Londonning boshqa klubiga o‘tishi mumkin.
"Ko‘klar" inglizni o‘tgan yilning yozida "Lester"dan transfer uchun 35 mln yevrodan ko‘proq to‘lab sotib olgandi. Xavbek asosiy tarkibda muqim o‘rin ololmadi, shu bois u joriy transferlar davrida sotib yuborilishi mumkin. Sky Sports xabariga ko‘ra, "Fulxem" "Vest Xem" ham qiziqish bildirgan 26 yoshli futbolchi uchun rasmiy taklif tayyorlamoqda.
Kirnan Dyusberi-Xoll "Chelsi"ning 36 ta o‘yinida maydonga tushib, beshta gol urgan va to‘rtta golli uzatmani amalga oshirgan. Transfermarkt ekspertlari talqiniga ko‘ra, futbolchining narxi 20 mln yevroni tashkil etadi.
