"Челси" ярим ҳимоячиси Кирнан Дьюсбери-Холл Лондоннинг бошқа клубига ўтиши мумкин.
"Кўклар" инглизни ўтган йилнинг ёзида "Лестер"дан трансфер учун 35 млн евродан кўпроқ тўлаб сотиб олганди. Хавбек асосий таркибда муқим ўрин ололмади, шу боис у жорий трансферлар даврида сотиб юборилиши мумкин. Sky Sports хабарига кўра, "Фулхэм" "Вест Хэм" ҳам қизиқиш билдирган 26 ёшли футболчи учун расмий таклиф тайёрламоқда.
Кирнан Дьюсбери-Холл "Челси"нинг 36 та ўйинида майдонга тушиб, бешта гол урган ва тўртта голли узатмани амалга оширган. Transfermarkt экспертлари талқинига кўра, футболчининг нархи 20 млн еврони ташкил этади.













