"Manchester Yunayted" va "Bavariya" Norvegiyaning "Brann" klubi 20 yoshli himoyachisi Eyvin Xellanni kuzatib bormoqda. "Qizil iblislar" skautlari futbolchini joriy yilning iyul oyida bo‘lib o‘tgan "Viking"ga qarshi o‘yinda (3:1) kuzatib borishgan. Bu haqda The Sun xabar bermoqda.

Manbaga ko‘ra, myunxenliklar Xellanni Norvegiya yoshlar terma jamoasi o‘yini davomida kuzatib borishgan.

Ta’kidlanishicha, mankunianliklar futbolchini 32 yoshli markaziy himoyachi Xarri Maguayrga uzoq muddatli o‘rinbosar sifatida ko‘rmoqda. O‘z navbatida, nemis grandi himoyada jamoaning imkoniyatlarini kengaytirish uchun Xellann nomzodini o‘rganmoqda.

O‘tgan mavsumda "Brann" himoyachisi barcha musobaqalarda 19 ta o‘yinda maydonga tushib, bitta samarali uzatma muallifi bo‘ldi. Futbolchining klub bilan amaldagi mehnat shartnomasi 2026 yil oxirigacha mo‘ljallangan. Transfermarkt portalida keltirilgan ma’lumotlarga ko‘ra, futbolchining bozor narxi 3,5 mln yevroni tashkil etadi.