"Манчестер Юнайтед" ва "Бавария" Норвегиянинг "Бранн" клуби 20 ёшли ҳимоячиси Эйвин Хелланни кузатиб бормоқда. "Қизил иблислар" скаутлари футболчини жорий йилнинг июль ойида бўлиб ўтган "Викинг"га қарши ўйинда (3:1) кузатиб боришган. Бу ҳақда The Sun хабар бермоқда.
Манбага кўра, мюнхенликлар Хелланни Норвегия ёшлар терма жамоаси ўйини давомида кузатиб боришган.
Таъкидланишича, манкунианликлар футболчини 32 ёшли марказий ҳимоячи Харри Магуайрга узоқ муддатли ўринбосар сифатида кўрмоқда. Ўз навбатида, немис гранди ҳимояда жамоанинг имкониятларини кенгайтириш учун Хелланн номзодини ўрганмоқда.
Ўтган мавсумда "Бранн" ҳимоячиси барча мусобақаларда 19 та ўйинда майдонга тушиб, битта самарали узатма муаллифи бўлди. Футболчининг клуб билан амалдаги меҳнат шартномаси 2026 йил охиригача мўлжалланган. Transfermarkt порталида келтирилган маълумотларга кўра, футболчининг бозор нархи 3,5 млн еврони ташкил этади.
