"Selta" "Bavariya" vingeri Brayan Saragosa transferiga yaqin turibdi, deya xabar bermoqda jurnalist Matteo Moretto tvitterdagi sahifasida.
Manbaga ko‘ra, ispan klubi so‘nggi bir necha hafta davomida 23 yoshli futbolchining transferi bo‘yicha muzokaralar olib bormoqda.
Biroq, klublar o‘rtasidagi muzokaralar jarayoni ispaniyalik vinger transferi bo‘yicha kelishuvning optimal formulasini topish bilan murakkablashdi.
Hozirda "Selta" va "Bavariya" transfer borasida kelishuvga erishishga yaqin turibdi.
Saragosaning o‘zi Ispaniyaga qaytib, La Ligada o‘ynashni istamoqda.
