"Bayer" o‘zining rasmiy saytida jamoa safiga yangi hujumchi kelib qo‘shilganini e’lon qildi. Gap Njikura Bomba haqida ketmoqda. Bomba "dorishunoslar" safida mart oyida, balog‘at yoshiga yetganidan boshlab o‘yinlarda ishtirok etishi mumkin. Ungacha iste’dodli hujumchi Malining "Bamako" klubi safida o‘ynashda davom etadi.
Njikura Bomba joriy yilning aprel oyida e’tiborni tortgandi. Afrika o‘smirlar kubogining oltita o‘yinida Bomba o‘z hisobiga uchta gol va ikkita golli uzatmani yozdirib qo‘ydi. Maliliklar ushbu turnirda finalga qadar yetib borishdi va Marokashga penaltilar seriyasida mag‘lub bo‘lishdi.
