Portugaliya terma jamoasi va "Real"ning sobiq ustozi Karlush Keyrush O‘mon terma jamoasini qabul qilib oldi.
72 yoshli portugaliyalik O‘mon futbol federasiyasi bilan bir yillik shartnoma imzoladi.
Oktyabr oyida JCH-2026 saralashining 4-bosqichida O‘mon Qatar va BAA bilan bir guruhdan joy oldi. Guruh g‘olibi JCH final turniriga to‘g‘ridan-to‘g‘ri yo‘l oladi, 2-o‘rinni egallagan terma jamoa esa 5-saralash bosqichida o‘ynaydi.
Keyrushning so‘nggi ish joyi Qatar terma jamoasi edi. U bungacha Eron, Misr, Kolumbiya, JAR va BAA terma jamoalarini boshqargan, shuningdek, "Manchester Yunayted"da yordamchi murabbiy bo‘lib ishlagan.
