"Bayer" vingeri Amin Adli Angliya chempionatiga ko‘chib o‘tishi mumkin. Futbolchini "Vulverxempton" o‘z safiga qo‘shib olmoqchi. Bu haqda Bild xabar bermoqda.
Manbaga ko‘ra, inglizlar futbolchini hujum qanotlarini kuchaytiruvchisi sifatida ko‘rmoqda. Klublar allaqachon transfer bo‘yicha muzokaralarni boshlab yuborgan.
Ma’lumki, "Bayer" o‘z futbolchisini qo‘yib yuborishga qarshi emas. Shu bilan birga, klub Adli uchun kamida 30 mln yevro ishlab olmoqchi.
O‘tgan mavsumda 25 yoshli marokashlik nemis klubi safida 28 ta o‘yinda maydonga tushib, 2 ta gol va 2 ta golli uzatmaga mualliflik qilgan. Transfermarkt Adlini 18 mln yevroga baholamoqda.
