"Байер" вингери Амин Адли Англия чемпионатига кўчиб ўтиши мумкин. Футболчини "Вулверхэмптон" ўз сафига қўшиб олмоқчи. Бу ҳақда Bild хабар бермоқда.
Манбага кўра, инглизлар футболчини ҳужум қанотларини кучайтирувчиси сифатида кўрмоқда. Клублар аллақачон трансфер бўйича музокараларни бошлаб юборган.
Маълумки, "Байер" ўз футболчисини қўйиб юборишга қарши эмас. Шу билан бирга, клуб Адли учун камида 30 млн евро ишлаб олмоқчи.
Ўтган мавсумда 25 ёшли марокашлик немис клуби сафида 28 та ўйинда майдонга тушиб, 2 та гол ва 2 та голли узатмага муаллифлик қилган. Transfermarkt Адлини 18 млн еврога баҳоламоқда.
