"Roma" Turkiyaning "Beshiktosh" klubi tomonidan sotib olini kutilayotgan ukrainalik hujumchi Artem Dovbikning narxi borasida bir qarorga keldi.
Rim klubi hujumchini sotishga tayyor va u uchun taxminan 35 million yevro so‘ramoqda. Bu haqda La Gazzetta dello Sport xabar berdi.
Qayd etish kerakki, 28 yoshli futbolchi tiklanishda davom etmoqda, chunki "bo‘rilar" tibbiyot xodimlari avvalroq futbolchiga mushaklarda charchoq tashxisini qo‘ygan edi.
Dovbik o‘tgan mavsumda "Roma" safida barcha turnirlarda 45 ta o‘yinda maydonga tushib, 17 ta gol urdi va 2 ta golli uzatmani amalga oshirdi.
Artyomning rimliklar bilan shartnomasi 2029 yilning 30 iyuniga qadar amal qiladi. Transfermarkt hujumchining narxini 30 million yevroga baholamoqda.
