"Chelsi" yozgi transferlar oynasi yopilgunga qadar hujumga ikki yulduzni sotib olish imkoniyatini ko‘rib chiqmoqda.

London grandi "RB Leypsig" hujumkor yarim himoyachisi Xavi Simons transferi ustida ish olib bormoqda. Niderlandiyalik futbolchining o‘zi "ko‘klar" safini to‘ldirishga tayyor, klublar o‘rtasidagi muzokaralar ham muvaffaqiyatli yakun topishga yaqin turibdi. Nufuzli insayder Fabrisio Romanoning ta’kidlashicha, "Chelsi" agar Simons sotib olinsa, "Manchester Yunayted" vingeri Alexandro Garnachoni sotib olish fikridan qaytmaydi. Har ikki futbolchining kelishi haqiqatga yaqin, ammo argentinalik futbolchining transferi masalasi yoz oxiriga kelib hal bo‘ladi.

22 yoshli Xavi Simonsning Transfermarkt saytidagi narxi - 70 mln yevro, 21 yoshli Alexandro Garnachoning narxi - 45 mln yevro.