"Inter" ustozi Kristian Kivu o‘z jamoasi futbolchisi Hoqon Chalxano‘g‘lining kelajagi haqida gapirdi.
Ushbu transfer oynasida turkiyalik yarim himoyachi "neradzurrilar" safini tark etishi mumkin edi. OAV ma’lumotlariga ko‘ra, unga "Galatasaroy" va "Fenerbahche" qiziqish bildirgan. Yaqinda futbolchi jarohatidan forig‘ bo‘ldi.
"Sog‘-salomat qaytganidan xursandman. U bu yozda ko‘p ishladi va qaytishni juda xohlaydi. Birinchi mashg‘ulotda u ajoyib harakat qilganini ko‘rdim," - deya murabbiyning so‘zlarini keltiradi Goal.
Kivuning so‘zlariga ko‘ra, Chalxono‘g‘li klublar o‘rtasidagi jahon chempionatida "Inter" safida o‘ynamaganidan juda xafa bo‘lgan.
O‘tgan mavsumda xavbek italyan klubi safida 47 ta o‘yinda maydonga tushib, 11 ta gol urdi va 8 ta golli uzatmani amalga oshirdi.
