"Интер" устози Кристиан Киву ўз жамоаси футболчиси Ҳоқон Чалханўғлининг келажаги ҳақида гапирди.

Ушбу трансфер ойнасида туркиялик ярим ҳимоячи "нерадзуррилар" сафини тарк этиши мумкин эди. ОАВ маълумотларига кўра, унга "Галатасарой" ва "Фенербаҳче" қизиқиш билдирган. Яқинда футболчи жароҳатидан фориғ бўлди.

"Соғ-саломат қайтганидан хурсандман. У бу ёзда кўп ишлади ва қайтишни жуда хоҳлайди. Биринчи машғулотда у ажойиб ҳаракат қилганини кўрдим," - дея мураббийнинг сўзларини келтиради Goal.

Кивунинг сўзларига кўра, Чалхонўғли клублар ўртасидаги жаҳон чемпионатида "Интер" сафида ўйнамаганидан жуда хафа бўлган.

Ўтган мавсумда хавбек итальян клуби сафида 47 та ўйинда майдонга тушиб, 11 та гол урди ва 8 та голли узатмани амалга оширди.