Hujumchi Viktor Osimxen "Galatasaroy"ga qaytish arafasida turibdi. Nufuzli insayder Fabrisio Romanoning ijtimoiy tarmoqlarda yozishicha, Osimxen chorshanba kuni Istanbulga uchib keladi. Payshanba kuni tibbiy ko‘rikdan o‘tish rejalashtirilgan. Agar unda hech qanday muammolarni aniqlamasa, 26 yoshli nigeriyalik "sherlar" bilan shartnoma imzolaydi.
Osimxen o‘tgan mavsum "Galatasaroy" safida ijara asosida to‘p tepgan edi. Turli musobaqalarda "sherlar" safida 41 ta rasmiy o‘yinda forvard 37 ta gol urdi va sheriklariga 8 ta golli uzatmani amalga oshirdi.
Transfermarkt portali Viktor Osimxenni 70 million yevroga baholamoqda.
