Ҳужумчи Виктор Осимхен "Галатасарой"га қайтиш арафасида турибди. Нуфузли инсайдер Фабрицио Романонинг ижтимоий тармоқларда ёзишича, Осимхен чоршанба куни Истанбулга учиб келади. Пайшанба куни тиббий кўрикдан ўтиш режалаштирилган. Агар унда ҳеч қандай муаммоларни аниқламаса, 26 ёшли нигериялик "шерлар" билан шартнома имзолайди.
Осимхен ўтган мавсум "Галатасарой" сафида ижара асосида тўп тепган эди. Турли мусобақаларда "шерлар" сафида 41 та расмий ўйинда форвард 37 та гол урди ва шерикларига 8 та голли узатмани амалга оширди.
Transfermarkt портали Виктор Осимхенни 70 миллион еврога баҳоламоқда.
