"Barselona" markaziy himoyachisi Andreas Kristensen jamoadan ketmoqchi emas.
O‘tgan mavsum daniyalik futbolchi uchun jarohatlar tufayli omadsiz kechdi. "Ko‘k-anorranglilar" futbolchi bo‘yicha takliflarni ko‘rib chiqishga tayyor, biroq u, yoz boshidayoq xabar qilinganidek, ketishni istamayapti va Xans-Diter Flik jamoasining asosiy tarkibidan joy olish uchun kurashmoqchi. Sport xabariga ko‘ra, Kristensen boshqa klublarning qiziqishini e’tiborsiz qoldirishda davom etmoqda. 29 yoshli futbolchi Kataloniya grandiga hali ham foyda keltira olishiga ishonmoqda.
O‘tgan mavsum davomida Andreas Kristensen atigi olti marta maydonga tushdi. Markaziy himoyachining "Barselona" bilan shartnomasi 11 oydan so‘ng yakunlanadi.













