"Барселона" марказий ҳимоячиси Андреас Кристенсен жамоадан кетмоқчи эмас.

Ўтган мавсум даниялик футболчи учун жароҳатлар туфайли омадсиз кечди. "Кўк-анорранглилар" футболчи бўйича таклифларни кўриб чиқишга тайёр, бироқ у, ёз бошидаёқ хабар қилинганидек, кетишни истамаяпти ва Ханс-Дитер Флик жамоасининг асосий таркибидан жой олиш учун курашмоқчи. Sport хабарига кўра, Кристенсен бошқа клубларнинг қизиқишини эътиборсиз қолдиришда давом этмоқда. 29 ёшли футболчи Каталония грандига ҳали ҳам фойда келтира олишига ишонмоқда.

Ўтган мавсум давомида Андреас Кристенсен атиги олти марта майдонга тушди. Марказий ҳимоячининг "Барселона" билан шартномаси 11 ойдан сўнг якунланади.