"Barselona"ning sobiq himoyachisi Tomas Vermalen jamoaning hozirgi darajasi haqida qanday fikrda ekanini aytdi.
"Ko‘k-anorranglilar" o‘tgan mavsumni ajoyib tarzda o‘tkazib, La Liga, Ispaniya Kubogi va mamlakat Superkubogida g‘alaba qozonishdi. Chempionlar ligasida Xans-Diter Flik jamoasi yarim final bosqichida Milanning "Inter" klubiga imkoniyatni boy berib qo‘ydi.
"Men Yevropa futbolini diqqat bilan kuzataman. "Barselona" o‘zini juda yaxshi ko‘rsatdi - shu jumladan Chempionlar Ligasida ham. Jamoaning yosh futbolchilarini kuzatish juda yoqimli, ular juda iste’dodli. Ularning rivojlanishini kuzatish tobora qiziqarli bo‘lib bormoqda," - deya belgiyalikning so‘zlarini keltiradi Barca Universal.
Tomas Vermalen 2022 yilda faoliyatini yakunlagan. Kataloniya grandi safida sobiq futbolchi 2014 yildan 2019 yilgacha o‘ynagan.













