"Барселона"нинг собиқ ҳимоячиси Томас Вермален жамоанинг ҳозирги даражаси ҳақида қандай фикрда эканини айтди.
"Кўк-анорранглилар" ўтган мавсумни ажойиб тарзда ўтказиб, Ла Лига, Испания Кубоги ва мамлакат Суперкубогида ғалаба қозонишди. Чемпионлар лигасида Ханс-Дитер Флик жамоаси ярим финал босқичида Миланнинг "Интер" клубига имкониятни бой бериб қўйди.
"Мен Европа футболини диққат билан кузатаман. "Барселона" ўзини жуда яхши кўрсатди - шу жумладан Чемпионлар Лигасида ҳам. Жамоанинг ёш футболчиларини кузатиш жуда ёқимли, улар жуда истеъдодли. Уларнинг ривожланишини кузатиш тобора қизиқарли бўлиб бормоқда," - дея бельгияликнинг сўзларини келтиради Barca Universal.
Томас Вермален 2022 йилда фаолиятини якунлаган. Каталония гранди сафида собиқ футболчи 2014 йилдан 2019 йилгача ўйнаган.
