"RB Leypsig" o‘z hujumchisi Benyamin Sheshko uchun taxminan 75 million yevro olmoqchi, deb xabar berdi X ijtimoiy tarmog‘ida jurnalist Devid Orshteyn. Shuningdek, nemis klubi kelishuvga futbolchining kelajakdagi sotuvidan foiz qo‘shilishini istamoqda.
"Nyukasl" va "Manchester Yunayted" muzokaralar olib bormoqda, ammo hozircha "Leypsig" va Sloveniya terma jamoasi forvardining o‘zi bilan kelishuvga erisha olmayapti.
Sheshko 2023 yildan beri "Leypsig"da o‘ynamoqda. Transfermarkt portali hujumchining bozor narxini 70 million yevroga baholamoqda.
Sheshko 2024/25 yilgi mavsumda 45 ta o‘yinda maydonga tushib, 21 ta gol urdi va 6 ta golli uzatmani amalga oshirdi.
