"So‘g‘diyona" jamoasi bilan shartnoma imzolagan Filip Ivanovichning faoliyatiga nazar tashlaymiz.
Jizzaxning "So‘g‘diyona" jamoasi 2025 yilgi yozgi transfer oynasida faol bo‘ldi va klub markaziy himoyani kuchaytirish maqsadida serbiyalik tajribali himoyachi Filip Ivanovich bilan shartnoma imzoladi.
Filip professional futbolchilik faoliyatini 2008 yil Serbiyaning "Hayduk" Belgrad jamoasida boshlagan. Faoliyati davomida Serbiyadan tashqari, Ozarbayjon, Albaniya, Bahrayn va O‘zbekiston chempionatlarida to‘p tepgan.
Ushbu himoyachi futbolimiz muxlislariga "Navbahor" jamoasidagi o‘yinlari bilan yaxshi tanish. Filip 2023-2024 yilgi mavsumlarda "lochinlar" tarkibida harakat qilgan edi.
Futbolchi 2025 yilgi mavsumning birinchi qismini Bahrayn chempionatida o‘tkazdi. Ikkinchi davra oldidan "So‘g‘diyona" klubi uni o‘z safiga qo‘shib oldi. Filip Ivanovich tajribasi, havodagi kurashlardagi ustunligi va o‘yinni o‘qish qobiliyati bilan "So‘g‘diyona" himoyasiga katta kuch qo‘shishi kutilmoqda.
Ushbu futbolchi haqidagi qisqa ma’lumotlar bilan tanishing:
Tug‘ilgan sanasi - 1992 yil 13 fevral
Tug‘ilgan joyi - Serbiya, Arandelovach
Yoshi - 33
Bo‘yi - 1.89 sm
O‘YNAGAN KLUBLARI
Hayduk - 25 o‘yin
Bezaniya - 18 o‘yin
Slogo 33 - 11 o‘yin, 2 gol
Indiya - 22 o‘yin, 3 gol
Radnik - 31 o‘yin, 5 gol
Sabah - 59 o‘yin, 2 gol
Teuta - 31 o‘yin, 4 gol
Radnichki 1923 - 32 o‘yin
Navbahor - 48 o‘yin, 6 gol
Al-Haldiya - 2 o‘yin
