Transfer bozorida hujumchi Benyamin Sheshko uchun kurash ketmoqda. Sloveniyalik futbolchini Angliya premyer-ligasining ikki klubi "Manchester Yunayted" va "Nyukasl" o‘z safida ko‘rishni istamoqda.
Ijtimoiy tarmoqlarda jurnalist Ben Jeykobsning yozishicha, 22 yoshli Sheshko uchun asosiy da’vogar "Manchester Yunayted" hisoblanadi. Hafta davomida "qizil iblislar" futbolchi borasida ijobiy muzokaralar olib bordi.
Qayd etilishicha, Sheshko "MYU" 2025/2026 yilgi mavsumda yevrokuboklarda o‘ynamasligiga qaramay, "Old Trafford"ga o‘tmoqchi.
"Nyukasl" muzokaralarni davom ettirmoqda, ammo Sheshkoning baribir Manchesterga yo‘l olishidan xavotirda.













