Трансфер бозорида ҳужумчи Бенямин Шешко учун кураш кетмоқда. Словениялик футболчини Англия премьер-лигасининг икки клуби "Манчестер Юнайтед" ва "Ньюкасл" ўз сафида кўришни истамоқда.
Ижтимоий тармоқларда журналист Бен Жейкобснинг ёзишича, 22 ёшли Шешко учун асосий даъвогар "Манчестер Юнайтед" ҳисобланади. Ҳафта давомида "қизил иблислар" футболчи борасида ижобий музокаралар олиб борди.
Қайд этилишича, Шешко "МЮ" 2025/2026 йилги мавсумда еврокубокларда ўйнамаслигига қарамай, "Олд Траффорд"га ўтмоқчи.
"Ньюкасл" музокараларни давом эттирмоқда, аммо Шешконинг барибир Манчестерга йўл олишидан хавотирда.













