"Barselona" yarim himoyachisi Gavi jamoa sardori bo‘lishni xohlaysizmi, degan savolga javob berdi.

Avvalroq, "Barselona"ning 20 yoshli tarbiyalanuvchisi "Seul"ga qarshi o‘rtoqlik o‘yinida sardorlik vazifasini bajargan va bu o‘yin kataloniyaliklarning 7:3 hisobidagi yirik g‘alabasi bilan yakunlangandi.

Gavi Mundo Deportivo nashriga bergan intervyusida "Barselona"ning to‘laqonli sardori bo‘lishni orzu qilishini tan oldi. Uning ta’kidlashicha, bu unga ishlash uchun yanada ko‘proq motivasiya beradi, ammo hozirda jamoada sardor bo‘lgan o‘yinchilarni hurmat qilish kerak.

Gavi o‘tgan mavsumda barcha musobaqalarni qo‘shib hisoblaganda 42 ta uchrashuvda qatnashib, 3 ta gol urgan va 3 ta golli uzatmaga mualliflik qilgan.