"Барселона" ярим ҳимоячиси Гави жамоа сардори бўлишни хоҳлайсизми, деган саволга жавоб берди.
Аввалроқ, "Барселона"нинг 20 ёшли тарбияланувчиси "Сеул"га қарши ўртоқлик ўйинида сардорлик вазифасини бажарган ва бу ўйин каталонияликларнинг 7:3 ҳисобидаги йирик ғалабаси билан якунланганди.
Гави Mundo Deportivo нашрига берган интервьюсида "Барселона"нинг тўлақонли сардори бўлишни орзу қилишини тан олди. Унинг таъкидлашича, бу унга ишлаш учун янада кўпроқ мотивация беради, аммо ҳозирда жамоада сардор бўлган ўйинчиларни ҳурмат қилиш керак.
Гави ўтган мавсумда барча мусобақаларни қўшиб ҳисоблаганда 42 та учрашувда қатнашиб, 3 та гол урган ва 3 та голли узатмага муаллифлик қилган.
