"Real" hujumchisi Vinisius Junior futbol mish-mishlari olamining qahramoni bo‘lib qolmoqda. Transfer News Live nashrining Cadena SER radiostansiyasiga asoslanib xabar berishicha, Vinisius "qaymoqranglilar"ning shartnomani uzaytirish bo‘yicha so‘nggi taklifini rad etgan. 25 yoshli futbolchining vakillari bu taklifni moliyaviy jihatdan yetarli emas deb baholashgan.
Vinisius Kilian Mbappe darajasidagi maoshni talab qilishda davom etmoqda. Braziliyalik futbolchi yangi mavsumda yuqori sifatli o‘yini bilan yuqori daromadni oqlashga umid qilmoqda.
Ilgari matbuotda Vinisius va Mbappening asosiy maoshi taxminan bir xil ekanligi, biroq fransuz futbolchi erkin agent sifatida kelganidan so‘ng katta imzo bonusi tufayli ko‘proq daromad olayotgani haqida ma’lumotlar berilgandi.
