"Yuventus" vingeri Timoti Vea "Marsel"ga o‘tishga yaqin turibdi.
Fransuz klubi 25 yoshli futbolchi bilan uzoq vaqtdan beri kelishib olgan, ammo "keksa sinyora" bilan muzokaralarda qiyinchiliklar yuzaga keldi - tomonlar uzoq vaqt davomida transfer qiymatini kelisha olmadi. Jurnalist Sebastyen Denining ma’lum qilishicha, "provansalliklar" va "keksa sinyora" o‘rtasidagi kelishmovchilik deyarli hal bo‘lgan - bitim tasdiqlanish arafasida.
Timoti Vea "Yuventus" safida jami 78 ta o‘yinda maydonga tushib, o‘z hisobiga yettita gol va shuncha golli uzatmani yozdirib qo‘ygan. Futbolchining narxi Transfermarkt ekspertlari tomonidan 17 mln yevroga baholanmoqda.
