"Ювентус" вингери Тимоти Веа "Марсель"га ўтишга яқин турибди.
Француз клуби 25 ёшли футболчи билан узоқ вақтдан бери келишиб олган, аммо "кекса синьора" билан музокараларда қийинчиликлар юзага келди - томонлар узоқ вақт давомида трансфер қийматини келиша олмади. Журналист Себастьен Денининг маълум қилишича, "провансалликлар" ва "кекса синьора" ўртасидаги келишмовчилик деярли ҳал бўлган - битим тасдиқланиш арафасида.
Тимоти Веа "Ювентус" сафида жами 78 та ўйинда майдонга тушиб, ўз ҳисобига еттита гол ва шунча голли узатмани ёздириб қўйган. Футболчининг нархи Transfermarkt экспертлари томонидан 17 млн еврога баҳоланмоқда.
