Angliyaning amaldagi chempioni "Nyukasl" markaziy hujumchisi Aleksandr Isakni sotib olishga jiddiy bel bog‘lagan.

Avvalroq, "qarg‘alar" Isak bo‘yicha "Liverpul"ning ilk taklifini rad etgani haqida xabarlar tarqalgan edi.

Jurnalist Sebasten Vidalning ta’kidlashicha, "Liverpul" transfer narxini pasaytirish uchun Isak transferiga bir yoki hatto ikki futbolchini qo‘shish imkoniyatini ko‘rib chiqmoqda.

Mersisaydliklar Nunyes, Elliott, Simikas, Morton va Kyeza kabi futbolchilardan birini berib yuborishi mumkin. Ta’kidlanishicha, "Nyukasl" hamon Isakni sotishdan 171 mln yevro ishlab olmoqchi, ammo "qizillar" murosa yo‘lini izlamoqda.

O‘tgan mavsumda 25 yoshli shvesiyalik barcha musobaqalarda 42 ta uchrashuvda 27 ta gol urgan. Bundan tashqari, hujumchi oltita samarali uzatmani amalga oshirdi.