Myunxenning "Bavariya" klubi futbolchisi Aleksandr Pavlovich jarohati sabab vaqtincha jamoada o‘ynay olmaydi. Bu haqda nemis jamoasi rasmiy sayti xabar bermoqda.

E’lon qilingan ma’lumotlarga ko‘ra, 21 yoshli serbiyalik futbolchining ko‘z kosasi singan va u allaqachon muvaffaqiyatli operasiya qilingan. Pavlovichning tiklash muddati ko‘rsatilmagan.

Pavlovich tayanch yarim himoyachisi pozisiyasida harakat qiladi. U o‘tgan mavsumda 33 ta o‘yinda maydonga tushib, 2 ta ogohlantirish oldi, 1 ta gol va 1 ta assistni o‘z hisobiga yozdirib qo‘ydi.