"Manchester Siti" rahbariyati jamoaning kelasi mavsumdagi o‘yinidan xavotirda. Sababi - bosh murabbiy Xosep Gvardiolaning shaxsiy hayotidagi murakkab vaziyat. Bu haqda The Sun xabar bermoqda.
OAV Gvardiolaning rafiqasi bilan ajrashgani haqida 2025 yil boshida xabar bergan edi. Mish-mishlarga ko‘ra, bunga Kristina Serraning eri unga karyerasidan ko‘ra kamroq e’tibor qaratayotganidan noroziligi sabab bo‘lgan. Ayni paytda bu juftlikning ajrashish jarayoni nihoyasiga yetmoqda, bu esa "Manchester Siti" bosslarini juda xavotirga solmoqda. Ularning fikricha, bu holat avgust oyining o‘rtalarida boshlanadigan yangi mavsumda jamoaning natijalariga ta’sir qilishi mumkin.
Klub rahbariyati Gvardiolaning rafiqasi bilan munosabatlaridagi muammolar o‘tgan qishda "shaharliklar"ning muvaffaqiyatsizliklari davriga to‘g‘ri kelganini eslaydi.
O‘tgan mavsumda "Manchester Siti" APL jadvalida uchinchi o‘rinni egalladi.
