"Манчестер Сити" раҳбарияти жамоанинг келаси мавсумдаги ўйинидан хавотирда. Сабаби - бош мураббий Хосеп Гвардиоланинг шахсий ҳаётидаги мураккаб вазият. Бу ҳақда The Sun хабар бермоқда.
ОАВ Гвардиоланинг рафиқаси билан ажрашгани ҳақида 2025 йил бошида хабар берган эди. Миш-мишларга кўра, бунга Кристина Серранинг эри унга карьерасидан кўра камроқ эътибор қаратаётганидан норозилиги сабаб бўлган. Айни пайтда бу жуфтликнинг ажрашиш жараёни ниҳоясига етмоқда, бу эса "Манчестер Сити" боссларини жуда хавотирга солмоқда. Уларнинг фикрича, бу ҳолат август ойининг ўрталарида бошланадиган янги мавсумда жамоанинг натижаларига таъсир қилиши мумкин.
Клуб раҳбарияти Гвардиоланинг рафиқаси билан муносабатларидаги муаммолар ўтган қишда "шаҳарликлар"нинг муваффақиятсизликлари даврига тўғри келганини эслайди.
Ўтган мавсумда "Манчестер Сити" АПЛ жадвалида учинчи ўринни эгаллади.
