"Bavariya" vingeri Luis Dias Germaniyaga ko‘chib o‘tganidan so‘ng debyut mavsumida nimalarga erishmoqchiligi haqida gapirib berdi.

Shanba kuni kolumbiyalik myunxenliklar safida ilk bor maydonga tushdi - u Vensan Kompani jamoasiga o‘rtoqlik uchrashuvida "Lion"dan ustun kelishga yordam berdi (2:1).

"Transferimning birinchi kunida aytganimdek, "Bavariya" bilan barcha sovrinlarni yutmoqchiman. O‘zimning o‘yinim, gollarim, golli uzatmalarim bilan jamoaga foyda keltirishni istayman, hatto ba’zida zaxira o‘rindig‘ida o‘tirishga to‘g‘ri kelsa ham. Har doim murabbiy ixtiyorida bo‘lishga va maydonda borimni berishga harakat qilaman. Umid qilamanki, bizni muvaffaqiyatli mavsum kutmoqda," - dedi "Bavariya"ning yangi futbolchisi "Lion"ga qarshi o‘yindan keyin bergan intervyusida.