"Бавария" вингери Луис Диас Германияга кўчиб ўтганидан сўнг дебют мавсумида нималарга эришмоқчилиги ҳақида гапириб берди.
Шанба куни колумбиялик мюнхенликлар сафида илк бор майдонга тушди - у Венсан Компани жамоасига ўртоқлик учрашувида "Лион"дан устун келишга ёрдам берди (2:1).
"Трансферимнинг биринчи кунида айтганимдек, "Бавария" билан барча совринларни ютмоқчиман. Ўзимнинг ўйиним, голларим, голли узатмаларим билан жамоага фойда келтиришни истайман, ҳатто баъзида захира ўриндиғида ўтиришга тўғри келса ҳам. Ҳар доим мураббий ихтиёрида бўлишга ва майдонда боримни беришга ҳаракат қиламан. Умид қиламанки, бизни муваффақиятли мавсум кутмоқда," - деди "Бавария"нинг янги футболчиси "Лион"га қарши ўйиндан кейин берган интервьюсида.
