"Barselona"ning sobiq sport direktori Ramon Planes hujumchi Aleksandr Isak Kataloniya klubiga ko‘chib o‘tishiga yaqin kelganini esladi.
Hozirda shvesiyalik dunyoning eng yaxshi hujumchilaridan biri hisoblanadi. Yaqinda "Nyukasl" uni "Liverpul"ga deyarli 130 mln yevroga sotishdan bosh tortdi.
"Isak "Real Sosyedad"da o‘ynab yurganida, u bilan shartnoma imzolashga juda yaqin edik. Men uni "Barselona" uslubiga juda mos keladigan hujumchi sifatida ko‘rdim, ammo transfer amalga oshmadi," - dedi hozirda Saudiya Arabistonining "Al-Ittihod" klubida ishlayotgan funksioner Sport nashriga bergan intervyusida.
Ramon Planes 2018 yildan 2021 yilgacha "Barselona" sport direktori lavozimida ishlagan.













