"Барселона"нинг собиқ спорт директори Рамон Планес ҳужумчи Александр Исак Каталония клубига кўчиб ўтишига яқин келганини эслади.
Ҳозирда швециялик дунёнинг энг яхши ҳужумчиларидан бири ҳисобланади. Яқинда "Ньюкасл" уни "Ливерпуль"га деярли 130 млн еврога сотишдан бош тортди.
"Исак "Реал Сосьедад"да ўйнаб юрганида, у билан шартнома имзолашга жуда яқин эдик. Мен уни "Барселона" услубига жуда мос келадиган ҳужумчи сифатида кўрдим, аммо трансфер амалга ошмади," - деди ҳозирда Саудия Арабистонининг "Ал-Иттиҳод" клубида ишлаётган функционер Sport нашрига берган интервьюсида.
Рамон Планес 2018 йилдан 2021 йилгача "Барселона" спорт директори лавозимида ишлаган.
