"Napoli" hujumchisi, Madridning "Atletiko" klubi bosh murabbiyining o‘g‘li Jovanni Simeone faoliyatini "Torino"da davom ettirishi mumkin.
Bu haqda insayder Fabrisio Romano xabar berdi.
30 yoshli argentinalik futbolchi allaqachon shaxsiy shartnomasi shartlarini kelishib olgan. Turin klubi endi "Napoli" bilan transfer borasida kelishib olishi kerak.
Qayd etilishicha, forvard "Torino" bosh murabbiyi Marko Baroni bilan suhbatlashgan va u uni jamoaga o‘tishga ko‘ndirgan, chunki futbolchining asosiy maqsadi boshqa chempionatga o‘tish bo‘lgan.













